Gúrkan

2006-08-01T13:27:00.000Z

sæl aftur elskurnar :)
nú er ég eiginlega búin að flytja mig í bili yfir á barnanet. það er eiginlega svona svoldið notendavænna fyrir fólk í minni stöðu só tú spík ;)
hér er slóðin:

www.barnanet.is/krilivaldimars

annars vorum við í mæðraskoðun númer 2 í gær og allt lítur vel út. blóðþrýstingurinn, bumban og annað slíkt með eðlilegum hætti.
svo byrja ég í meðgöngujóga í kvöld, hlakka rosa til. ekki verra að það er ein sem er að vinna með mér sem er líka ólétt, komin bara 2 vikum lengra en ég. gaman að vera svona samferða og við erum líka saman í jóganu. gaman gaman :)

en allavega, held að þetta verði síðasta bloggið mitt á þessari síðu í bili.
bookmarkiði hina adressuna hjá ykkur og fylgisti með mér og krílinu þar.
ég er nú þegar búin að setja inn sónarmyndir frá 12 viku og svo koma fleiri sónarmyndir vonandi í lok ágúst þegar ég fer í 20 vikna sónarinn.

það gleður mitt litla hjarta óskaplega mikið þegar ég sé að þið skrifið komment.
takk til allra sem hafa nennt að skrifa hérna :)

sjáumst á www.barnanet.is/krilivaldimars

kveðja, guðrún

2006-07-26T16:49:00.000Z

hæ vinir :)
ef þetta hefur tekist hjá mér þá ættuð þið að sjá á myndinni hvað er að gerast í mínu lífi núna. við valdimar erum að sjálfsögðu óskaplega óskaplega óskaplega glöð og kát með þetta allt saman og fylgjumst spennt með bumbunni stækka smám saman.
ég og kúlubúinn erum barasta hraust og hress, engin ógleði gert vart við sig og líkaminn (enn sem komið er) í góðu lagi. hlakka samt til að byrja í jóganu á allra næstu misserum.

og eins og þið sjáið er maður svoldið dottinn í alls konar heimasíður með alls konar bumbudóti. þetta er hræðilega skemmtilegt og ég skammast mín bara ekkert fyrir það, híhí :)

ég er semsagt sett 14.janúar 2007, en það gæti reyndar breyst eitthvað í 20 vikna sónarnum sem við förum í í lok ágúst. hlakka miiiiiikið til þess.
erum þó búin að fara í 12 vikna sónar, þar sem allt leit stórvel út og fengum m.a.s. útprentaðar myndir af krílinu. kannski ég reyni að setja eina hérna inn.
svo hugsa ég nú að ég fari að svissa yfir á einhverja svona barnasíðu, þar sem maður getur dælt inn endalausu af myndum og slíku þegar kemur að því að fara að monta sig, hehe :) læt vita þegar af því kemur.

en allavega, þá vitiði það elskurnar.

líf og fjör

guðrún og leynigesturinn :)

2006-06-26T16:05:00.000Z

helgin frá og loksins kominn mánudagur aftur. sjúkkitt. hélt að þessi helgi ætlaði engan enda að taka. þoli ekki þessar helgar. endalaust frí og gott veður og eitthvað svoleiðis óþolandi. og svo er sumarfríið að nálgast líka! er ekki nóg komið af svo góðu? má maður ALDREI vera í vinnunni???

hvað helgina varðar þá var hún reyndar alveg súper góð. valdimar þessi SNILLINGUR opnaði fyrstu einkasýningu sína á Sólon á laugardaginn og ég var svo stolt af honum að ég hélt ég myndi rifna í tvennt :) brosið náði alveg hringinn allan daginn. og myndirnar eru svooo flottar. kannski er ég glötuð og ekki kúl, en ég get bara ekki að því gert hvað mér finnst hann mikið æði :)
en semsagt, opnunin gekk eins og best var á kosið, fullt af gestum, veðrið glimrandi gott og allir voða kátir. og svo seldi hann m.a.s. 4 myndir þessi elska.

já svo á föstudeginum fórum við nú í jónsmessugöngu decode. gengnar voru síldarmannagötur sem liggja milli skorradals og hvalfjarðar og telja um 17 km í allt. til að gera langa sögu stutta lögðum við af stað í sól og blíðu frá decode klukkan 7 en vorum komin aftur til baka í þokuslæðingi HÁLFFJÖGUR UM NÓTTINA!! seinni rútan kom víst ekki til baka fyrr en klukkan 6 um morguninn - ef ég hefði þurft að bíða eftir henni hefði ég víst verið búin að drepa mann og annan : /
eruð þið að djóka í mér?? maður var nú orðinn svooooldið þreyttur og SVANGUR!! gangan var reyndar skemmtileg í flesta staði, en skipulagið var ekkert og leiðsögu var ekki fyrir að fara.

en allavega - líf og fjör - bara 4 dagar eftir og svo 3 vikna sumarfrí. jibbbbbbbbbííííí :)

2006-06-20T17:06:00.000Z

Uss, ég sem ætlaði að fara að setja inn mynd frá útskriftinni. Gat það ekki. Held að ég sé aðeins að missa tökin á þessu bloggi. Var eitthvað að bauka með það um daginn og ætlaði að vera rosa klár en riðlaði þá í staðinn öllu skipulaginu og síðan fór í mess. Og nú get ég ekki einu sinni sett inn myndir. Jahérna, hvað maður er eitthvað óþolandi lítið tæknivæddur. En hey, ég reyni þó! Og í gær, þegar ég var að gera boðskortalistann fyrir Valdimar datt ég m.a.s. inní Access og tók það góða forrit alveg í nefið, þrátt fyrir að ár sé liðið síðan ég síðast leit það augum.
Annars er lítið að frétta. Rigningin er að drepa mig - ég er búin að fá svo mikið ógeð á sólarleysi og dimmu og drunga að....að....að....að ég geri örugglega ekki neitt frekar en vanalega þegar maður kvartar og kveinar yfir íslensku veðri. Böhhhhh.
En samt - kommon - er þetta ekki aðeins tú mötsj? Ég meina rigning í heilan mánuð! Og það JÚNÍ! Fer í sumarfrí í Júlí og þá er eins gott að sólin sýni sig!!! Annars er mér að mæta! Og ég kemst ekki einu sinni til úgglanda í sumar.....ekki það að ég fari oft til útlanda á sumrin. Eiginlega bara aldrei......eða voða sjaldan. En mig langar svoooooooooo núna. Held það sé af því að bæði Þór bróðir og Sif systir eru í sólarstrandarleik með familíurnar. Svo ligg ég á einhverjum bévítans nettilboðum sem ég fæ send í tölvupóstinn minn og stunda masókisma á hæsta stigi. Af hverju gerir maður sér þetta?? Er alveg að skoða hótel og strendurnar og verðið og allt það. Samt er ekki séns að ég fari út í sumar. Maður verður að hætta þessari vitleysu og fara bara frekar á www.austfirðir.is og skoða gönguleiðir í Loðmundarfirði! Ísland er landið í sumar - eins gott að það hagi sér vel!!!

2006-06-12T14:50:00.000Z

Hæ elskurnar :)
Útskriftin var á laugardaginn og þá er maður barasta kominn með diplómuna sjálfa í hendurnar. Jibbííí. Dagurinn var hreint yndislegur, Valdimar mætti að sjálfsögðu á athöfnina og þegar henni lauk var ég að niðurlotum komin af hungri, svo hann fór með mig á Sólon þar sem ég fékk súkkulaðifix dagsins (frönsk súkk.kaka og heitt súkkul.).
Því næst var mér ekið uppá Nordica þar sem þessi elska hafði bókað mig í heilnudd. Alger dásemd! Eftir nudd og pott tylltum við okkur um stund á barinn á hótelinu þar til ekið var niðrá Argentínu hvar heilum helling af nauti, humri og öðru ótrúlegu nammeríi var hesthúsað. Algerlega frábær dagur, skipulagður af snillingnum honum Valdimar. Hann fær 10 stig í kladdann fyrir þetta :)
Svo vaknaði maður í gær, sjómannadaginn, og smellti sér á hátíðahöldin við Hafnarfjarðarhöfn í einhverri þeirri mestu úrhellingsrigningu sem ég hef lent í hérlendis. Ég ætlaði bara ekki að trúa eigin skynfærum þar sem ég drukknaði næstum á þurru landi, þó klædd í blómóttu gúmmístígvélin mín, goretex gallann og allt! Til að byrja með var reyndar logn, en þegar leið á daginn hvessti og endaði með barasta öskrandi rigningu, roki og skítakulda. Vá hvað var gott að koma inn! En samt gaman að rifja upp gúmmístígvélafílinginn. Geri það alltof sjaldan ;)
Og þá er kominn mánudagur bjartur og fagur.........eða þannig. Rigning, pigning!
En það er eitt sem hleypir birtu inní annars dimman dag. Og það er engin smá birta :)
ROGER WATERS tónleikarnir eru á eftir. Eitthvað er maður búinn að bíða eftir þeim. Ég hlakka miiiikið til. Og ég er bara hrædd um að hann Valdimar minn sprengi bara öryggi af gleði einni saman í kvöld. Vá.
Jæja, komið nóg af blaðri í bili. Ég veit að þið eruð að lesa þetta einhver, svo kvittiði fyrir ykkur og leyfið mér að sjá ykkur :)
Rodsjer Voders rúlar!!
G

2006-05-31T15:18:00.000Z

Hæ aftur. Emmmm.....god, ég er eitthvað voða löt að skrifa núna. Það er líka ekkert merkilegt að gerast. Bara sumarið að koma og ég fer í frí eftir mánuð. Jibbíííí :) Ætlum að flandrast eitthvað um landið og fara austur að ganga í Borgarfirði Eystri og þar um slóðir. Svo er auðvitað einhver veiði og þetta sumarið verður farið í Minnivallarlæk í lok júlí. Örugglega voða gaman. Jú og svo má ekki gleyma hvítasunnuhelginni framundan og kajakmótið á Stykkishólmi á sínum stað. Í fyrra var ég plötuð í róðrarkeppni af því það var bara ein kona sem ætlaði að vera með. Varð að halda uppi heiðri kynsystra minna ;) Var í öðru sæti!!! (af tveimur). Fékk medalíu og allt, hehe. Vonandi verða fleiri mættar í ár, er ekki mikil keppnismanneskja eiginlega. Annars er rosalega gaman að róa þarna um fyrir utan Stykkishólm. Hvet alla sem hafa áhuga að mæta. Hægt að fá leigða báta og allt sem þarf. Svo er bara alltaf gaman í Hólminum :)
Heyrumst síðar
G

2006-05-17T12:34:00.000Z

hæ :) vildi bara láta ykkur vita að ég er ekki flutt til fjarskanistan þar sem eru engar tölvur. hef bara verið löt að skrifa. lofa að bæta úr því bráðum og skrifa eitthvað skemmtilegt. er brjálað að gera í vinnunni og svo er útskriftin 10.júní :) jibbí :) eníveis, hafið það súper gott elskurnar. læt heyra í mér bráðum.
bææææææ

2006-05-02T10:06:00.000Z

http://www.world66.com/myworld66/visitedCountries/

sniðug síða :) svoldið fyndið að maður telur sig vera þó nokkuð veraldarvanan heimsborgara; hélt ég hefði farið til hellings af útlöndum, en svo kemur í ljós að ég hef ekki heimsótt nema 9% af löndum heimsins. ég á greinilega nóg eftir :) en talandi um útlönd þá var ég í london um daginn. skrapp í nokkra daga með valdimar og mömmu og pabba og það var bara svona líka gaman. fínt veður og vor í lofti. fengum m.a.s. einn sólardag með hita og alles. næææs! nema hvað, við vorum voða menningarleg og fórum að sjá ÞRJÚ show (á 5 dögum). sáum guys & dolls - maður verður að taka einn svona týpískan söngleik, fórum svo í royal albert hall og sáum royal philharmonic spila verk eftir rússneska meistara (sjostakovitsj og einn annan sem ég get ekki munað nafnið á). svo fórum við á blue man group sem er algjör snilld. mæli eindregið með þeim ef einhver á leið um london á næstunni :)
jæja, nóg í bili
bæ
gæ

2006-04-11T17:09:00.000Z

gerði svona próf sem ég fann á síðunni hjá björgu vinkonu. sillí. en drepur dauðan tíma í vinnunni. vá hvað ég er eitthvað þrítug! en er það slæmt? nei, held ekki. er voða sátt við mig eins og ég er barasta......

***You Are 30 Years Old***
Under 12: You are a kid at heart. You still have an optimistic life view - and you look at the world with awe.
13-19: You are a teenager at heart. You question authority and are still trying to find your place in this world.
20-29: You are a twentysomething at heart. You feel excited about what's to come... love, work, and new experiences.
30-39: You are a thirtysomething at heart. You've had a taste of success and true love, but you want more!
40+: You are a mature adult. You've been through most of the ups and downs of life already. Now you get to sit back and relax.
What Age Do You Act?http://www.blogthings.com/whatagequiz/

2006-04-07T20:24:00.000Z

noh, þá er að koma að því. síðasti prófdagurinn rennur upp á morgun. próf í bandarísku viðskiptaumhverfi - brjálað stuð. en þegar það er búið, þá ætla ég hins vegar að gera mér smá dagamun. haldiði að ég hafi ekki bara splæst á mig nuddi. mín grand á því. hef aldrei keypt mér neitt svona sjálf - 2-3 fengið í gjafir. en ég held ég hafi alveg unnið mér inn fyrir eitt stykki nuddi. ohhh.....það verður æði :) hlakka mikið til. svo ætla ég bara að DÓLA MÉR. og það besta er að ég get dólað mér með EKKERT samviskubit!!! næææææs! sammarinn hefur hangið yfir hausamótunum á mér síðan fyrsta daginn í skólanum haustið 2004. gott að vera laus við hann. bara passa sig að maður ættleiði ekki sammara fyrir eitthvað annað bara í staðinn : /
nema hvað. ætla að halda áfram að lesa til svona ellefu. þá bara heim að sofa. byrjar 9 í fyrró.

allt ofangreint er þó auðvitað háð því að ég nái blessuðu prófinu : /

leiter dúds

2006-04-01T14:00:00.000Z

þetta er mynd dagsins. ísbjarnahúnar. það er ekki margt til sem er fallegra!

1.apríl (ég er ekki búin að plata neinn) og ég er uppí skóla og á að vera að læra fyrir próf......en er augljóslega að gera eitthvað allt annað eins og að blogga og að finna mynd dagsins á national geographic vefnum. þar er reyndar að finna stórkostlegar myndir af dýrum og öllu mögulegu reyndar sem er gaman að skoða. jahá, gaman að segja frá því. annars er laugardagur og bara vika þangað til ég klára skólann. næsta laugardag verð búin.....ef guð lofar : /

svo er það bara páskaferðin og síðan london :) ætla að vera skemmtilegri seinna. heiladauð og lin eftir heita pottinn í sundi áðan (sem átti að hressa mig við btw). blezz í bili.

2006-03-24T14:58:00.000Z

föstudagur runninn upp skýr og fagur. eða allavega runninn upp. mikil törn í skólanum - verkefnaskil og svo lokaprófin framundan. nýbúin að skila af mér metnaðarfyllsta hópverkefni sem ég bara held ég hafi gert. góð tilfinning :)
en svo er bara skólinn bráðum búinn! prófin í byrjun apríl og svo bara búið! hmmm.....skrýtin tilhugsun. hvað á ég þá af mér að gera þegar ég er búin í vinnunni? á ég bara að fara heim klukkan 4 og fara að lesa bók eða setja í vél eða eitthvað?? hvað gerði ég áður en ég byrjaði í skólanum?? ó well, kannski maður skelli sér á prjónanámskeið eða fari að læra ítölsku eða eitthvað. nú eða þá etv að maður smeygi sér í ræktina!?! ætli verði einhvern tíma af því??
var nú búin að lofa sjálfri mér því að þegar skólinn væri búinn myndaðist tími til að fara í leikfimi. best að standa við það loforð. ekki vill maður svíkja sjálfan sig svona nýútskrifaður og heilagur ;) held líka að ég skuldi líkamanum mínum það að hreyfa hann svoldið. hann er búinn að standa með mér í gegnum súrt og sætt og standa sig með miklum prýðum í stressköstum, óhollustu og svefnleysi. nú munu hins vegar taka við tímar hollustu, hreyfingar og almennrar sjálfsræktar : ) batnandi mönnum er best að lifa með hækkandi sólu og vori í lofti og allt það.........er það ekki annars?
kommentiði nú elskurnar!

2006-03-16T10:22:00.000Z

My Personal Dna Report
Hérna má sjá mæ pörsonal díennei test. Vá hvað ég er greinilega frábær. Sjúkkitt að ég er ég! Hehe.

2006-02-24T16:36:00.000Z

BRAVÓ!! : ) WotW tónleikarnir voru frábærir. ég gleymdi reyndar gleraugunum heima og sat við hliðina á ofvirkum einstaklingi sem var á sífelldu iði, en ég lét það ekki skyggja á gleði mína, ónei! um leið og þeir byrjuðu fékk ég gæsahúð sem var held ég bara status quo alla tónleikana. var orðin fiðruð í lokin! eníveis, jóhann sigurðarson auðvitað kjörinn í hlutverk sögumanns (úr því helgi skúlason blessaður er ekki enn á meðal vor), og söng castið frábært. ég brosti alveg hringinn : ) gaman að fara á eitthvað svona og láta koma sér skemmtilega á óvart. bjóst nefnilega alveg eins við því að verða fyrir vonbrigðum. en neiónei. svo er ég auðvitað búin að hlusta á diskinn í dag. skenntlett skenntlett.
væri til í að sjá þetta aftur, kannski á sviði í london eða eitthvað.
well spell, verð í bandi
gvendó

2006-02-23T12:51:00.000Z

híhíhí.....haldiði ekki að einhver hafi pikkað upp bloggið mitt um war of the worlds tónleikana og smellt því í eitthvað bloggskrifarahorn á dv í dag! mest fyndið. ég er orðin fræg. loksins komst ég í blöðin. og ég sem hélt í einfeldni minni að enginn nennti að lesa bloggið mitt nema ef til vill bestu vinir mínir sem gera það af skyldurækni. já og það er m.a.s. mynd af mér!
eníveis, nú er ég orðin svo hræðilega forvitin að ég vil eeeeeeendilega fá að vita hver setti þetta þarna inn. hlýtur að vera einhver sem ég þekki. kommooooooon, tellmítellmítellmí : )
æm spríngíng viðð forvitn jú nó!!

2006-02-16T14:04:00.000Z

Nei, nú er nóg komið!! Ókei, ég er nörd, ég veit það.......en af hverju er búið að þýða War of the Worlds tónleikana sem Sinfónían heldur á fimmtudaginn eftir viku?? Hvað heitir þetta þá á íslensku? HEIMSÓFRIÐARBÁLIÐ?? eða STRÍÐ HEIMANNA?? eða HEIMSSTYRJÖLDIN??
Æi, ég er geðveikt pirruð á þessu. Fékk algjört tilfelli í gær þegar ég sá auglýsinguna og keypti miðana með det samme. Bróðir minn spurði áðan hvort þetta væri nokkuð á íslensku. Ég hélt nú ekki..........en hringdi nú samt og tékkaði. Og viti menn. Jú, íslensk þýðing: Gísli Rúnar Jónsson.
Jæja, þýðir lítið að væla. Annaðhvort hætti ég við eða fer með glöðu geði. Er það ekki? Kannski verður þetta ágætt. Instrúmental músíkin verður allavega óhreyfð. Nema fiðlur geti spilað á íslensku???

Eníveis, ætla í kaffi. Já og farið endilega á sýninguna hjá mömmu í Gryfjunni í Listasafni ASÍ. Hún er æði. Mamma rokkar!!
Myndir seinna.

Luv,
Guðrún nörd

2006-01-31T12:42:00.000Z

Halú. Þá er mín komin heim eftir stórkostlega vel heppnaða skíðaferð. Veðrið var æðislegt, færið fínt og vinahópurinn frábær. Ein úr hópnum slasaði sig reyndar í lok ferðar sem var auðvitað voða lítið skemmtilegt. En hún er svoddan trooper og hörkukvendi að það var nú ekki gert mikið veður útaf því og hún var ótrúlega dugleg og ég er viss um að henni mun batna á mettíma!!! 7913
En semsagt dásamleg ferð....já og við trúlofuðum okkur líka, hihihi :) Strákurinn bað mín í þyrlunni á leið uppá jökul. Algjör snillingur!!
Ahhhh.....lífið er gott :)

2006-01-19T12:31:00.000Z

æ varð bara að deila þessari mynd með ykkur líka. ómægod er það eina sem ég get sagt í augnablikinu. þetta er yndislegt : ) þangað er ég að fara á laugardaginn!!!!

2006-01-19T10:07:00.000Z

Þá er næstum komið að því. Skíðaferðin ógurlega hefst næsta laugardag. Ferðinni er heitir til Selva í ítölsku Dólómítafjöllunum þar sem við munum dvelja í viku. Við erum orðin 19 stykki sem ætlum saman. Bætist alltaf í hópinn. Hlakka ægilega mikið til :) Mikki fær að vera heima hjá sér þar sem stóri frændi ætlar að passa hann. Hann verður í góðu yfirlæti :)
En hérna er semsagt mynd af einni brekkunni í Selva úr livecam. Veðrið greinilega eins og best verður á kosið og virðist nægur snjór. Vona að þetta haldist bara svona fram yfir næstu viku. Set svo inn myndir þegar ég kem heim. Vonandi allar baðaðar í sólskini.....og nokkrar af mér að drekka bjór og jóðlandi júdlíjúhíhúúúú ; )

2006-01-11T10:06:00.000Z

fyrstu skrifin á nýju ári. bara komið 2006! ég var einmitt að hlæja að því um áramótin að ég er alltaf miklu meira hissa á því að það sé allt í einu kominn janúar, frekar en að það sé komið nýtt ár. ég er greinilega ekki nógu hrinlaga.......lifi bara lífinu í línu.........þannig að þegar desember er búinn á ekki að koma janúar aftur. maður er náttlega svoldið spes ;)
nema hvað, skólinn byrjaður aftur Á FULLU. ég hef á tilfinningunni að kennararnir séu búnir að setja undir sig hausinn og ætli að reka önnina áfram með offorsi. ég kann bara ekki alveg að meta það.....tekur mig alltaf svoldinn tíma að komast í gang. byrjaði m.a.s. fyrstu vikuna (sem er núna) á að skrópa í einn tíma. maður er svo mikill rebell! ég er semsagt í markaðsfræði III (búin með I og II), bandarískum viðskiptum/stjórnmálum og stefnumótunarverkefni. keypti bækurnar í gær og það leið næstum yfir mig bara við að sjá bókina fyrir þetta stefnumótunardót. hún er rúmlega 800 blaðsíður. hvað er dæmið með það??? halda þeir að þetta sé læknisfræði?? það er sko eins gott að við eigum ekki að lesa þetta allt. þá hætti ég. tek ekki þátt í svona vitleysu á gamals aldri : / og svo er hún lítil og feit og grá og þurr (bókin sko). jæja, ég vona bara að í þetta eina skipti eigi við orðatiltækið dónt djöts a búkk bæ its kovver!!!
ekki komin með neinar skemmtilegar myndir frá áramótum, en ég mun etv smella þeim inná myndasíðuna.......ef ég get rifjað upp notendanafnið mitt þar (ég er svooo tölvuvæn!!).

2005-12-30T16:50:00.000Z

GLEÐILEGT ÁR ELSKURNAR OG TAKK FYRIR BLOGGIÐ Á ÁRINU : )

Má svo til með að sýna ykkur krúttin hennar Dimmu (fyrrverandi unnustu Mikka ;) Þeir eru bara 3 vikna held ég og nýfarnir að opna augun og reyna að labba. Hreinir labbar af bestu veiðigerð og ef einhver ykkar hefur áhuga þá þekki ég eigendurna ;)

2005-12-28T10:35:00.000Z

Mikki sendir líka jólakveðjur. Hann er búinn að vera í smá snakk straffi, þ.e. hann fær enga bita af borðinu (nema þegar amma svindlar ;) hann er nebblega með smá ofnæmi og við erum að prófa nýtt fæði. Hann er samt rosa glaður með lífið og er endurnærður eftir þvílíkan hamagang með Esju litlu vinkonu sinni í snjónum við Laxatanga á annan í jólum og svo fórum við í fjörurnar úti við Reykjanesvita í gær og hann hljóp og hamaðist eins og banditti. gróf holur og át sand og drakk sjó, ótrúlega sáttur : ) þessi elska : )

2005-12-28T10:29:00.000Z

Gleðilega jólahátíð elskurnar : ) Við skötuhjúin erum búin að liggja á meltunni og höfum held ég bara ekki borðað svona mikið...........ever!! hvað maður getur verið mikið átsvín : / verður gott að fá fisk í formi og hrísgrjón í kvöld! En jólin eru búin að vera dásamlega góð og róleg og skemmtileg. Mikið og gott afslappelsi og jólaboðin voða nett og passleg. Allt eins og það á að vera : ) Vona að jólin ykkar hafi verið eins gleðileg og mín. Held við eigum mjög gott, flest okkar, og ættum að þakka fyrir það sem við höfum! Maður gleymir því stundum nefnilega.
Friður og ró,
Guðrún

P.s. takk fyrir jólakortin, alltaf gott að vita hvað maður á marga vini : )

2005-12-22T15:18:00.000Z

king kong! úff hvað hún er frábær. sá hana í gær og hún er æði. vá hvað hún er flott. og kong eðlilegur (eða þið vitið - ekki gervilegur eins og tölvugerð dýr eru oft). andy serkis sem lék gollum í LOTR stjórnar hreyfingum hans OG lék hlutverk skipskokksins. maðurinn er náttúrulega BARA snillingur. og viti menn, mín brynnti músum í lokin, manneskjan sem grenjar ekki í bíó. vöknaði ekki einu sinni um augu á titanic og er hún nú notuð sem viðmið í snýtuklútaverksmiðjum um gervallan heim. ég hélt m.a.s. áfram að að væla í bílnum á leiðinni heim. kannski losnaði bara um jólastressið eða eitthvað, hehe. en ég náði mér nú þegar ég kom á næsta hringtorg ;)
myndin er allavega stórkostleg og þrátt fyrir lengd sína vel vel vel þess virði að fara á. þeas EF menn hafa gaman af ævintýramyndum og segja ekki alltaf "döhhh, ohh maður, svona gerist ekkert í alvörunni!!!". ég held ég verði aldrei alveg fullorðin......ég get t.d. ekki BEEEEEEÐIÐ eftir Narniu sem kemur 2. í jólum. ohh, ævintýri - æ lovem : )
eníveis, hugsa að ég pári ekkert fyrr en eftir jól eða áramót, þannig að ég segir bara FARSÆL NÝ JÓL OG GLEÐILEG ÁR. og farið nú að skrifa komment litlu anti-tölvunördarnir mínir sem lesið síðuna mína. það er ekkert flókið ;)
lov'ya
gæ

2005-12-16T14:52:00.000Z

jæja, rúðurnar komnar í stofuna. mikið var. og þvílíkur munur. við erum reyndar hætt að sjá skrípó útgáfuna af höfninni og næsta nágrenni - rúðurnar voru svo orpnar að ef maður beygði sig í hnjánum þá sá maður svona skemmtilega hreyfingu á öllu sem fyrir utan var. voða skemmtilegt! við getum þó huggað okkur við það að allir hinir gluggarnir eru svona ennþá, t.d. í eldhúsinu. þar getum við skemmt okkur tímunum saman og þykjumst vera í "the house of mirrors". ódýr og góð skemmtun fyrir þá sem eru að spara eins og við ;)
annars er for-fordrykkurinn hjá okkur í kvöld fyrir vinnujólagettúgeððerið, svo það er best ég fari heim að reyna að skafa límmiðana af gluggunum sem blakta enn í hafnfirskri sjávargolunni. kannski ég fari í bað líka. já góð hugmynd. bless kex klukkan sex.

2005-12-13T13:32:00.000Z

búin með næstsíðustu önnina. jibbí. komin í jólafrí og nýt þess mikið og vel og mikið og vel. kveiki á öllum kertunum í íbúðinni á hverju kvöldi og finnst m.a.s. gaman að þrífa. ég gæti mögulega verið að tapa geðinu : /
annars eyddi ég tíma og peningum í dásamlegt trít á laugardaginn og fékk mér litun og klippingu. oh, hvað það er gott. líður ægilega vel. hlakka til að gera alls konar en tíminn líður aðeins of hratt samt. ætlaði að hitta allar vinkonurnar og gera allt og vinna upp allt sem hefur setið á hakanum meðan ég hef verið í skólanum.
jóla-thingymagic í vinnunni næsta föstudag og for-fordrykkur hjá mér. eins gott að smiðirnir verði búnir að skipta um glugga, annars verður þetta bara svona semi garðveisla - inni en samt úti!! gæti reyndar verið sniðugt! og jólavinavika í vinnunni líka, við erum í ægilegu jólastuði hérna greinilega og allir miklir vinir. reyndar mjög gaman að vinna þegar andinn er góður.
jæja, nóg af jákvæðni í bili ;) see'ya

2005-12-04T19:34:00.000Z

sunnudagur runninn upp......og niður....því það varð dimmt á hádegi held ég svei mér þá. er í skólanum að læra undir markaðsfræðipróf á morgun. er óhefðbundið og því veit ég ekkert hvernig ég á að læra undir það. eitthvað case og svoleiðis. best að blogga þá bara.
annars var kveikt á oslóartrénu í dag. missti af því, en las um það í mogganum. sé alltaf turillu fyrir mér. sjitt hvað það var fyndið. muniði þegar hún kveikti á eða í oslóartrénu.....eða "þessari helv.. hríslu" , blindfull. turilla rúlar.
en þá er komið að því. glósurnar bíða. branding strategies og 22 laws of branding. jei!
hafið það gott og njótið þess að vera að gera eitthvað skemmtilegt á sunnudagskvöldi því ég er allavega ekki alveg að gera það ;)

2005-12-01T12:09:00.000Z

arrrrg, prófið á eftir....og ég að skrifa hér. dugleg! en í ljósi þess að nú er kominn teljari á síðuna, þá sé ég að það eru einhverjir að skoða hana....múahahhahaha. en það er enginn að skrifa komment. ekki vera feimin, segiði hæ :)
jæja, halda áfram. renna yfir glósurnar....siðferðileg atriði varðandi sölumennsku, markaðssetningu, viðskiptagjafir, ráðningar, uppsagnir og svo margt margt fleira. já það er eins gott að hafa þetta allt á hreinu.

2005-11-30T13:51:00.000Z

er í skólanum að læra fyrir viðskiptasiðfræði. er núna að lesa um siðfræðina í viðskiptum fjármálastofnana. mikið af shady deals þar. allt rotið inn að beini held ég. þriðjaheims löndin að fara down the drain með dyggri hjálp þarlendra spilltra embættismanna og lánagraðra vestrænna bankamanna. uss uss uss.
annars leiðist mér. það er ekkert gaman að vera einn að læra fyrir próf (þó skólinn sé fullur af fólki). það er svona þegar skólavinkonurnar ákveða bara að eignast börn eða fara í dagskóla eða velja önnur fög. alveg kolómögulegt. en hey, samt er ég bara glöð sko :)
ég er þó allavega í skóla og vinnu og ekki föst í einhverjum hræðilegum vítahring í fátæku landi sem er sokkið svo djúpt í alþjóðlegt skuldafen að það kemst aldrei upp nema með brjálæðislegu átaki og fullt fullt fullt af styrktartónleikum!! á maður ekki að þakka fyrir það sem maður á? og eigum við ekki ógeðslega gott að búa hérna á þessum ískalda, dásamlega gráa klaka? ég held það!

2005-11-29T13:52:00.000Z

AUÐVITAÐ ER MYNDALINKURINN TIL HÆGRI Á SÍÐUNNI!!! : )

2005-11-28T17:37:00.000Z

vá hvað mér finnst ég klár. bjó til fotki myndasíðu og setti hana hérna inn alveg sjálf. geri aðrir betur. ókei, aðrir hafa líklega gert betur.......en hey, ég er samt klár :) íhíhíhí (*hnegg*)
nema hvað, undir "links" vinstra megin á síðunni, er að finna "myndir" og þar mun ég setja inn myndir þegar ég hef tíma. er t.d. búin að demba inn næstum öllum myndunum úr brullaupinu hennar daggar sætu, svo þið getið skoðað þær allar með tölu. og séð alla gestina sem þið þekkið og þekkið ekki :)
njótið vel
guðrún fotki

2005-11-25T16:51:00.000Z

jæja, pre-partýið búið og við stelpurnar komnar í náttfötin og farnar að skoða körfuna góðu sem var full af nammi, freyðibaði og þynnkumeðölum. kom sér afar vel ;)

og svo er hópmyndin. sjáiði þessar gyðjur!!
f.v. unnur, gulla, dögg, moi, birna karen og karen.

Þetta er "the manor" þar sem við vorum. maður trúir því eiginlega ekki svona eftirá. Algerlega
a-queen-for-a-day type of thing!!!

2005-11-25T16:48:00.000Z

híhíhí....unnur og ég á leið í leigubílnum á leið í brúðkaupið. búnar að skella í okkur nokkrum miniatúrum ;)
ótrúlega glaðar

2005-11-25T16:31:00.000Z

ég er búin að sjá það út að ég er ekkert gríðar duglegur bloggari. enda held ég að enginn nenni að lesa þetta. allavega eitthvað fátt um komment.......endilega kvitta fyrir sig ef maður heimsækir síðuna, þá er skemmtilegra að skrifa.
annars var björg vinkona að segja mér að töggur hundurinn hennar berglindar systur hennar hefði bara dáið í gær. æjæjæjæ.....það finnst mér agalega sorglegt :( mér fannst ég hreinlega þekkja hann sjálf af öllum sögunum frá björgu. litla skinnið. var að veiða með eiganda sínum og þeir lentu í óveðri og svo dó hann bara. ohhhh.....ég fæ alveg sting í magann. hringdi auðvitað strax í valdimar og sagði honum söguna. maður skilur þetta ekki alveg nema maður eigi sjálfur hund (eða elski hunda eins og björg og mamma).
jæja, ekki orð um það meir, vona bara að teiknimyndin all dogs go to heaven sé sönn og hann sé nú á hinum eilífu veiðilendum.
en að öðru. prófin framundan og ég ætla að reyna að vera dugleg um helgina að lesa. uss, hvað þetta er fljótt að líða. jólin og allt það. svei mér þá. maður verður alltaf jafnhissa á hverju einasta ári hvað tíminn er fljótur að líða. er þetta eðlilegt?

já og ætla ég að setja inn nokkar myndir úr brúðkaupinu hjá dögg

góða helgi kæru vinir

2005-11-16T16:03:00.000Z

átti afmæli um síðustu helgi. var boðið norður í bústað og til að gera langa sögu stutta..þvílíkur rómans. ja hérna, held að unnustinn hafi svei mér þá slegið rómantíkurmetið og fengið himingeiminn og náttúruna í lið með sér, slík var fegurðin þarna um nóttina. drykkir og auðvitað afmælisterta í pottinum undir fullu tungli (eða því sem næst) sem speglaðist á haffletinum, umkringt af skrilljón stjörnum. svít. um daginn hafði sólin reyndar líka speglast á vegunum sem voru eins og gler svo við sátum föst um tíma , á jafnsléttu nota bene! þegar við loksins náðum að mjaka okkur til akureyrar þar sem við ætluðum á skíði, var stefnan tekin á fyrsta dekkjaverkstæðið sem við sáum og fjárfest í nöglum. þá var klukkan orðin seinnipartur svo við drifum okkur bara aftur í bústaðinn að kósíast.
eníveis, fékk stígvélaðakattarstígvél úr mosagrænu rússkinni (hvað þýðir rússkinn annars???) frá mömmu og pabba sem ég valdi reyndar sjálf og haldiði að fyrrgreindur unnusti hafi ekki bara keypt leðurkápu handa sinni. mæjómæ, hann er smekkmaður og þekki sína konu! hann fékk 10 stig fyrir þetta allt saman og marga marga plúsa í kladdann!!! æm a lökkí görl :)

2005-11-08T07:34:00.000Z

af hverju sefur maður stundum illa? fólk eins og ég sem sef yfirleitt eins og grjót? ég held að ef ég yrði einhvern tíma fangi í kínversku fangelsi þar sem helsta pyntingaraðferðin væri svona sleep deprivation, þá myndi ég ekki þola eina nótt. þannig að ekki segja mér nein leyndarmál sem kínverjar mega ekki vita!!

annars er alveg ferlegt hvað ég verð testí ef ég get ekki sofið. kannski ekki ein um það?
en etv er bara kominn einhver prófa/verkefna titringur í mig....álagið í skólanum í hámarki núna í nóvember, blahhh, verkefni verkefni verkefni. hlakka samt til 5.desember, þá er ég búin í prófum og þá á ég bara eina önn eftir. júhú :)
hey, gleymdi að ég fór á Kabarett á laugardaginn. sjökks hvað var gaman. mamma og pabbi eiga sándtrakkið úr myndinni (70's) og ég var alltaf að hlusta á hana þegar ég var lítil. gerði ennþá meira gaman að sjá á sviði. sá reyndar á sviði líka í san fransisco þegar ég var 15, og þá mas með joel grey sem lék líka í myndinni.....sem ég leigði svo í gær....með lizu minelli og michael york. muniði eftir honum? mamma var alltaf svo skotin í honum.
jæja, best að vinna og láta sig dreyma um san fransisco with flowers in my hair....þar sem björg vinkona er reyndar stödd núna. *suk*

2005-11-03T11:50:00.000Z

sjökks hvað helgin var stórkostlega frábær. algjör snilld. þvílíkur staður. ef einhvern vantar hugmynd að ótrúlega rómantísku gettaveii, þá er þetta staðurinn. eastwell manor. síðkjólar, kampavín í kristalsglösum, spa, göngutúrar í görðunum og slappað af í cottage-inu okkar.
djís lúís. þetta var eins og opnusíða í horse & hound!! set myndir síðar.

2005-10-26T09:54:00.000Z

fór á frábæra tónleika í gær. dúndurfréttir með árlegu pink floyd cover tónleikana sína. þeir eru stórkostlegir. fullur salur, ótrúleg stemming. fór með valdimar og guðna og bjössa mág og ishbel kærustu hans frá skotlandi sem er btw með málverkasýningu í galleríi sjafnar har á skólavörðustíg. afar hæfileikarík kona og mjög fallegar grafík myndir.
já og svo er það brúðkaupið um næstu helgi hjá dögg í englandi. haldið á sveitasetri í kent. við unnur fljúgum á föstudag og svo verðum við með gullu líka í svona litlu cottage. ekki leiðinlegt. oh, i say! i will have some tea and crumpets and then go play some cricket on the lawns!! or i´ll choose the foxhunt! or maybe just relax in the SPA!! og það er sko dress kód! og allir í galagalla. já. well, ég hlakka pínulítið til :)
kem með ferðasöguna eftir helgi.
en þangað til má skemmta sér yfir þessum linkum. check out the mansion!!!!!!!
www.dundurfrettir.is
www.eastwellmanor.com

2005-10-19T16:57:00.000Z

mið vika. stuð. helgin fer líklega í lærdóm. en líka í þórsmörk. ætlum eina nótt. kannski sjáum við rjúpur. hver veit. nammm rjúpur. vei jólin. ég skrifa í staccato í dag. ætla að hætta. cu

2005-10-17T14:05:00.000Z

mánudagur. jamm. þeir eru æði. not. vaknaði í morgun eftir skelfilega svefnlausa nótt, við bröltið í fólkinu á efri hæðinni. þau eru agaleg. frábærir grannar að öllu öðru leyti en því að þau eru alltaf með þvílíkt brölt ELDsnemma á morgnana. og líka um helgar. held þau séu að æfa sig í curling eða eitthvað á parketinu. í hollensku klossunum sínum. úff. eníveis, rauk fram úr eins og eldspúandi dreki og hvæsti eitthvað á aumingja mikka sem kom auðvitað skoppandi glaður á móti mér. var eiginlega hálf grenjandi úr pirringi og gerði allt ferlega svona fast. eins og þegar maður er að laga til pirraður, þá lagar maður til rosa fast, til að láta hinn vita að maður sé pirraður.....þótt maður neiti því staðfastlega að vera pirraður. ég var þannig. og valdimar greyið að reyna að sofa þorði ekki fyrir sitt litla líf að koma nálægt mér eða segja nokkurn skapaðan hlut. beið bara eftir að ég færi út. ja hérna hér. ótemjan ég! en góðu fréttirnar eru þær að ég náði þessu að hluta til úr mér á leiðinni í vinnuna og svo bara alveg þegar ég komst í tölvuna og sá að skólanum hafði verið aflýst í dag. það reddaði alveg málunum og ró og friður komst á í sálinni minni :)

2005-10-13T14:13:00.000Z

hey, júhú, ég er yfirþyrmandi glöð hvað margir eru búnir að skoða mitt fína blogg. en hvað maður er vain. skrifar einhverjar bölv vitleysu og er voða glaður ef einhver er nógu kurteis að skoða það og brosa. oh well, svona erum við. VAIN SMAIN.
var að heyra frá öglu vinkonu, hún er snigglingur. er að skrifa master í listviðburðastjórnun í edinborg og er að klepra. held hún sé orðin að dingulberi hún er svo mikið að klepra. úff, greyið, ég vorkenni henni líka. býr í edinborg og er á leið til tævan og er rosa söggsessfúll og frábær. glatað. en í álfuru, það er samt leiðinlegt að skrifa ritgerðir. it sucks bigtime. oj.
jæja, best að hætta áður en ég drep sjálfa mig úr leiðindum.

2005-10-13T12:12:00.000Z

júhúúú........dagurinn í dag er miiiklu betri en dagurinn í gær. og það er mas ennþá gott veður. reyndar er skóli í dag, en það verður bara gaman. og það var líka ís í hádeginu......samt doldið vondur, þótt ég vilji nú ekki vera vanþakklát. eitthvað skrýtinn pistasíuís sem bragðaðist eins og gamalt vidal sassoon sjampó, svona möndlu/kardimommu dæmi eitthvað. doldið spes!
en annars er bara stuð og pína, vítamínin á leið oní maga og búin að senda út auglýsingu fyrir hana sif systur mína, af því hún er svo sæt og góð og gerir svo flotta skartgripi :)
tékkið á www.hunoghun.is, flottasta gallerí norðan suðurheimskauts!

pís át

2005-10-12T17:04:00.000Z

jæja, þá er löööööngum vinnudegi loks að ljúka. somm better gós! annars finnst mér alveg spælt að vera með einhverja deprimeringu á svona ógeðslega fallegum haustdegi. á maður ekki alltaf að vera glaður þegar veðrið er gott (allavega fallegt)?
well, kannski ræður maður því ekki alveg sjálfur.
en ég veit samt um einn sem verður glaður þegar ég kem heim :) hann er loðinn og svartur og er bestur í heiminum : ) skoh!! fæ bara sólsting í hjartað við tilhugsunina eina saman. gleðigjafi litli.
eníveis, pís át

2005-10-12T13:02:00.000Z

Blahhh, tough day. Held ég hafi eitthvað farið öfug framúr í morgun. Samt allt svona working in my favour......hressandi morgunsturta, steiktur fiskur í hádeginu, gott veður úti. En allt kemur fyrir ekki. Samt er ég eins og úldið eggaldin í skapinu. Lít vonandi aðeins betur út en það þó. Blahhh

2005-10-11T15:35:00.000Z

já, þetta virðist ætla að virka, maður er kominn með tvö komment og allt, og það á fyrsta degi. aldeilis gott bara finnst mér.
og hahaha......er meira að segja búin að setja inn mynd. og þessa líka fínu mynd, tekin í fullvissuferð díkód fyrr í haust. held við eigum framtíðina fyrir okkur í módelstörfum!!!

2005-10-11T10:59:00.000Z

hmmm......er ég í alvöru dottin í bloggpakkann eins og allir hinir. svo bregðast krosstré sem önnur. oh well, ætli maður nenni þessu nokkuð hvort sem er?
sjáum til :)